Verena Roider

Du liest mei G´schicht weil i mi oanfoch traut hob “Ziach spün” zu lerna!

Griaß enk Gott liabe Leit!
I bin die Verena, bin 1980 in meiner Hoamat Thalgau auf´d Wöd kemma.

Aufgwachsn bin i sehr wohlbehütet in einer, wia mein Vota immer gsogt hod: “komplett unmusikalischen Familie”. Oba des mocht nix, wei a jeda find sein eigenen Weg zur und mit Musik. Das es koane unmusikalischen Menschn gibt, des hob i erst durch´n Florian Michlbauer g´lernt, denn jeder der wü kann a Instrument lerna!

So hob a i mir mein Kindheitstraum erfüllt und hob im Jänner 2015 ohgfonga Steirische Harmonika zu lerna. Von Anfang an hob i des Problem ghobt, das i des Instrument nimma weg stöhn hob kinna – so is a glei frei wos weida gonga. Oba immer nur alloa üben wor ned so mei Foi, so hob i boid amoi ohgfonga mit de Freind vo mein mittleren Sohn (übrigens hob i drei Kinder und bin voheirat) zu spün. Durch dieses “MIDANOND” bin i dazua kemma, das i de Lehrerausbildung bei MICHLBAUER moch.

I gfrei mi voi, das i des wos mir a so a narrische Freid mocht, zu mein Beruf mochen hob kinna. Vor ollem das i de Freid, de i hob mit meiner Ziach, iatz a an ondere weida gebm deaf!

Kontakt:
Verena Roider
verena.roider@michlbauer.com